Cangas.-A partir del día 5 de los santos (5/XI/2013) tódalas personas que tean interesadas en participar no XI Concursu’i cuentos curtios del Conceyu Cangas, pueden ponese al l.labor de preparar los sous orixinales.

El concursu cuentos, que fai estiañu la súa edición once, premia las meyores obras escritas n’asturianu estándar ya occidental ya a él puede presentase cualisquier persona mayor de 16 años. Las obras han tener cinco fueyas cumo mínimo ya venti a lo máximo, han ser orixinales, anónimas ya tar escritas a espaciu doble en formatu DIN A-4.

El plazu pa presentar orixinales acaba’l día 15 del mes muertu.

El xuráu, que se xuntará a mediaos del mes muertu ya vei tar formáu pola responsable del Serviciu de Normalización L.lingüística, por personal del Aria de Cultura del Conceyu Cangas, por un/a representante de la Rede de Normalización L.lingüística nos Conceyos ya por maestros/as ya escritores/as en l.lingua asturiana, vei dar a conocer ente esi mes ya’l siguiente el sou determín a los ganadores.

Bases de la XI Edición (pdf, 897 kb)