Por mor de la grabación que TPA va emitir con motivu del Día d’Asturies, la orquesta de cámara Ensemble Ars Mundi, dirixida por Yuri Nasushkin, va recuperar el Cuarteto en Re del compositor asturianu Baldomero Fernández.

El programa especial va dedicáu integramente a obres d’esti compositor, las más grande parte pieces líriques asturianes que van interpretar sobre l’escenariu del Auditoriu Teodoro Cuesta de Mieres diferentes cantadores de tonada y cantantes líricos. Hasta’l presente ta concretada l’actuación del cantante de folk Chus Pedro, de los cantadores de tonada Marisa Valle Roso, Lorena Corripio, Liliana Castañón, María Llatores, Alvaro Fernández Conde y Fernando Valle Roso, los cantantes de lírica Yolanda Secades y Gaspar Braña, el gaiteru Pablo Carrera, y los pianistes Gabino Antuña y Xaime Arias. Arriendes de la citada orquesta de cámara.

La obra orquestal de Baldomero Fernández fue compuesta en 1908 pa violín primeru, violín segundu, viola y violonchelo. Y l’actuación del Ensemble Ars Mundi va cerrase col Asturias d’Isaac Albéniz, de la mesma época y movimientu musical, el Nacionalismu Musical.

El programa de TPA emitiráse’l Día d’Asturies, pero la so grabación va llevase al acabu nel citáu Auditoriu Teodoro Cuesta de Mieres, el xueves 4 de septiembre, a partir de les 19:00h. La entrada va ser llibre pal públicu.