Esti sábadu, 8 d’avientu, a partir de les seis de la tarde, tendrá llugar nel Auditoriu Teodoro Cuesta de Mieres del Camín un macroconciertu nel que se va grabar el próximu trabayu discográficu del grupu folk Skanda, una de les formaciones más veteranes del panorama asturianu y que llega, como ésta, a la so sexta grabación tres de 18 años de vida.

Xunto a Skanda van pasar pel escenariu mierense voces de tonada como Anabel Santiago y Marisa Valle Roso, cantantes y músicos como Alfredo González, Silvia Quesada, Pablo Moro, Silvia Quesada, Berto Argayaes y Xuan Yagüe, y formaciones musicales del prestixu del Coru Mineru de Turón, la Big Band de Mieres y la Banda Gaites Mieres del Camín.

Con toos ellos, a lo llargo del xueves, vienres y sábadu, van llevase al acabu ensayos y grabaciones preliminares, de manera que’l domingu se grabe arriendes un documental y un videoclip de actuación. Amás, claro, del nuevu trabayu discográficu, que s’amiesta asina a “Folk and Roll Circus”, “El cuartu”, “Sangre d’ochobre”, “Mecigaya” y, el primeru de toos ellos, l’editáu va quince años y tituláu “Skanda”.

La entrada pal conciertu va ser llibre, pudiendo a lo llargo d’estos díes averar al Auditoriu mierense o al pub L’Habana a recoyer la invitación corresppondiente.