La exposición de fotografíes “Complicidaes. Diego y Frida”, compuesta por 35 imáxenes, llévase al acabu n’Estrasburgu col propósitu de repasar les pasiones y los acontecimientos políticos que marcaron la vida de los dos artistes mexicanos. L’amuesa, organizada pola Secretaría de Rellaciones Exteriores de México y la Representación Permanente ante’l Conseyu d’Europa, procede el Institutu Nacional d’Antropolxía y Hestoria y del Institutu Nacional de Belles Artes y Lliteratura.

La metada de les fotografíes son d’autors desconocíos y el restu tan firmaes por dellos fotógrafos del tiempu. Les primeres instantanees proceden de la dómina de la Revolución mexicana de 1910, con un Rivera n’Europa que nun se va comprometer cola mesma hasta años más atrde, y con una Frida de tres años d’edá, que fixó’l so nacimientu tres años depués como vínculu cola xesta revolucionaria.

Ocho imáxenes amuésenlos xuntos en diferentes etapes de los 25 años que tuvieran xuntos: nun primeru mayu y el día de la so boda (1929), nuna manifestación del Socorru Roxu (1931) y Frida mecanografando una cartta dicatada por Diego (1933). Tamién aparcen firmando la so segunda acta matrimonial (1940), conversando na Casa Azul y frente a la so collección d’arte prehespánicu (1943), compartiendo mesa en San Ángel (1945) y en Coyoacán (1952).

La exposición ufre tamién la cabera imaxen de Frida, tomada en Ciudá de México’l 3 de xunetu de 1954, namás 11 enantes de la so muerte. Tamién hai fotos d’ella ceguñando un güeyu (1954), retrada en 1942 o trabayando nel so estudiu de Coyoacán. Rivera aparez pintando los murales de la Creación (1922-23) y del Palaciu Nacional (1945), nel so estiu d’Altavista (1934), con Trotsky (1937) o trabayando nel so estidiu nel añu de la so muerte (1955).