La estatua d’un facón procedente del clásicu del cine negru “The Maltese Falcon” (n’España “El halcón maltés”) fue subastada en Nueva York por unos 4 millones de dólares (alredor de 3 millones d’euros), na casa Bonhams.

La estatua de plombu, d’unos 30 centímetros d’altor, desempeña un papel trescendental na película que protagonizaron Humphrey Bogart y Mary Astor, yá que ye clave pa la resolución del casu. Comenta, asina, Catherine Williamson, de la casa Bonhams, que ye una de les reliquies cinematográfiques de tolos tiempos y esencial dientro de la hestoria del cine americanu y mundial. La casa nun desveló’l nome del comtrador.

Na subasta d’onxetos de cine, que se llevara al acabu na tarde del llunes pasáu, tamién se vendió un lluxosu automóvil del clásicu “Casablanca”, por cerca de mediu millón de dólares, un sombreru que llevó Audry Hepburn na comedia “Funny Face, por dalgo más d’ochenta mil dólares, y un cascu de bucéu de “20 mil llegües de viaxe submarín”, por ochenta mil dólares.