Los extraños círculos cásique perfectos trazaos nes sableres del fondo la mar n’agües de Xapón, fotografiaos por buzos va más d’una década, tuvieron estos díes una explicación natural y racional d’alcuerdu colos cienfíficos d’esi país.

Les estructures circulares, que tienen alredor de dos metros de diámetru, formen parte del ritual amorosu d’un tipu de pexe globu, d’alcuerdu coles investigaciones del Muséu d’Hestoria Natual de Xina. Durante’l periodu previu al apaqreamientu, el pexe machu nala en círculos enriba’l fonso hasta xeneral el patrón. Les femes avérense ya inspeccionen el so trabayu enantes de decidir si-yos presta, explicó Hiroshi Kawase, del sitiu LiveScience. La fema, lluéu, deposita los sos güevos nel centru’l círculu. El machu fertilízalos y custódialos a lo llargo de seis díes.

Ente les característiques sorprendentes del somportamientu d’estos pexes, que malapenews tienen 12 cm de llargu, cuéntense la perfección xeométrica de los círculos que tracen, los pequeños valles y llombes radiales tallaos dende la circunferencia y la decoración que los machos desplieguen sobre les sos construcciones, formaes por fragmentos de conches.

Tien de recordase que, enantes de que se dilucidara’l so orixen al traviés d’estes explicaciones científiques, dellos observadores especularan sobre la semeyanza d’estes formaciones colos famosos “círculos nel maíz”, les más de les veces atribuyíos a la presencia na Tierra de seres extraterrestres.