Por Ismael G. Arias.-Les empreses de seguros médicos tienen ellaborada una llista de los llugares con más riesgu y los problemes más comunes cuando’l sexu se combina col arrebatu o la pasión.

En xeneral nun se trata de dalgo dalgo. La pasión atácanos y la cabeza retrocede, pierde’l control y nadie evalúa los riesgos, colo que too se torna más picante y atractivo. Perto, claro, los accidentes tan ehí, a centrímetros de distancia y son frecuentes. Un adornu que cai, la siella que ruempe, una cortina que se vien abaxu… como recueye l’informe previu de les empreses aseguradores.

El diariu arxentina La Nación recoyía va escases feches la noticia de la cayida d’un amante pel balcón d’una casa de la que sintió que’l maríu de la so querida abría la puerta de csa. Nun tuviera meyor idea que blincar dende’l balcón de la casa al de los vecinos. ¡Nun séptimu pisu! Y va unos meses, la noticia d’una pareya que cayó dende un segundu pisu de la que practicaben sexu en Lübeck, Alemaña, dio la vuelta’l mundu nuna tarde.

Ye enforma más común de lo que se cree. Según un estudiu realizáu nos Estaos Xuníos, cada añu, los estadounidenses tienen alredor de 112 relaciones sexuales de media. Y, cada añu tamién, cásique un terciu de les persones sexualmente actives termina experimentando un accidente deriváu del sexu. A partir d’estos datos, la compañía Medical Insurance diseñó un ranking de los obxetos que se ruempen y de los llugares más pèligrosos pa la práctica del sexu.

Los 10 obxetos que se ruempen con más frecuencia dutante’l sexu son los siguientes:

1.      Les pates o los llargueros de la cama.

2.      Botelles o vasos.

3.      Marcos de fotografíes.

4.      Sielles.

5.      Taces.

6.      Paredes (polo xeneral de pladur o de lladrillu tabiqueru)

7.      Caxones.

8.      Puertes.

9.      Ventanes.

10.  Floreros.

Otru motivu frecuente d’accidente tien de ver col llugar onde se tienen les relaciones. Cola intención de romper la rutina o d’amestar aventura al vínculu, bien de pareyes tienen sexu en llugares que nun tan disemaos pa ello. El coche, un cuartu bañu públicu, un cuartu prestáu en medio d’una fiesta, una playa… Llugares bien guapos, pero nos que se deben tomar precauciones.

Asina, los 10 llugares más peligrosos pa tener sexu son los siguientes:

1.      El sofá.

2.      Les escaleres.

3.      El coche.

4.      La ducha.

5.      El cuartu.

6.      Una siella.

7.      La mesa la cocina.

8.      El xardín o’l patiu de casa.

9.      El serviciu.

10.  Un armariu.

Llugares comunes. Pero que nun dexarán enxamás de xenerar situaciones peligroses de nun tomar les debides precauciones.