El III Salón Internacional de les Sidres de Gala (SISGA) va garrando forma y yá pue confirmase la fecha y el llugar nel que se cellebrará la Cena Gala.

Asturies.- Pasu ente pasu vamos acaldando la tercer edición del SISGA qu'esti añu cuntará con interesantes novedaes, tales comu'l Concursu de Sidre nes variedaes sidre pa serviciu en copa -nuea espresón, brut y dulce, de pera, de xelu, llicores de sidre y destilaos de sidre-, que cuntará con un prestixosu xuráu internacional. Inclusu cabe la posibilidá de que les sidres premiaes nesti concursu tean un llugar eclusivu en toles sedes asturianes d'una gran superficie.

Per otru llau, la Cena de Gala, entamada pa maridar estes sidres cola más alta gastronomía, algamará esti añu un nivel d'escelencia al cuntar cola collaboración del lloréáu cocineru asturianu Nacho Manzano que mos ufrirá les sos propuestes gastronómiques la nuechi del 18 nel so restaurán xixonés La Salgar.

Tampocu nun faltará la xornada de tastia abierta, onde por namás 5 € tolos interesaos podrán esfrutar de les estremaes sidres internacionales del Salón y de les diferentes degustaciones y conferencies que s'impartirán pa complementar los conteníos de la xornada gastronómica.

Son munches novedaes que diremos dando a conocer adulces sigún vaigan confirmándose y coles que tamos enfotaos que fadrán qu'el SISGA seya un referente obligáu del seutor a nivel internacional.