"Tamos analizando les responsabilidaes y ye pronto pa ver cuál va ser el resultáu de les investigaciones", contestó l'alcaldesa ante preguntes sobre'l pidimientu de dimisión o cese de Mayer, esixida en bloque pola oposición. Los últimos en pidila fueron los conceyales socialistes, abanderaos por Purificación Causapié.

   "Celia (Mayer) ye una conceyala que cuenta col mio apoyu", declaró Carmena anque añadió que "hai que ver si puede o desea siguir nesti equipu" dempués d'estudiar si los fallos tuvieron na so actuación o na del so equipu. En tou casu, va llevase a cabu  un procesu tranquilu y simple" col que se trata d'analizar "qué nun salió bien pa que salga meyor" y asitiando a "les persones afayaíces" nos distintos puestos.

   La primer edil remarcó que'l Conceyu yá tomó les primeres midíes, como dexar sin efectu la contratación col coordinador responsable del programa d'Antroxu en Tetuán. Sí anunció'l cese de Ramón Ferrer pero nun pudo indicar el nome d'otru de los cesaos. "El coordinador manifestó que nunca conoció'l conteníu del espectáculu y lo cierto ye que lo debió conocer", tresmitió a la prensa.

   Ante esa respuesta "insatisfactoria" decidieron cesalu. Agora trátase d'analizar lo asocedío, esplornado sobre les responsabilidaes debíes nel área y tovía nun saben si tamién nel distritu. Carmena, nesta llinia, aseguró que llevó a cabu "una puesta al día" del restu de les actividaes del Antroxu xunto con Mayer.

   "Foi un error mui grave y hubo responsabilidaes de persones que nun ficieron lo que deberíen, quiciabes por un escesu de confianza", manifestó. L'alcaldesa negó qu'exista descoordinación nel so equipu y plantegó la necesidá d'una bona conexón ente unos posibles delegaos de Cultura en cada distritu.

   Tocantes a si considera que col Gobiernu d'Ahora Madrid hai un reproche esaxeráu, la primer conceyala contestó que lo que se fai nel Conceyu "vese con una capacidá crítica mui intensa". Tamién considera que "nun ye la mayor crisis" y qu'en tolos equipos "hai problemes".

MENSAXE EN FACEBOOK

   Tamién se refirió al Facebook del Antroxu: un mensaxe na páxina d'esta rede social de la programación del Antroxu de Madrid indicaba que la obra 'La bruxa y don Cristóbal' del pasáu vienres nun yera apta pa públicu infantil sinón p'adultos.

   Tratóse d'un mensaxe publicáu'l vienres nesta rede social antes del entamu de la obra y col siguiente conteníu: "A les 17 hores y a les 19 hores na plaza de la Canal d'Isabel II (metro Tetuán), 'La bruxa y don Cristóbal', cola Compañía Títeres Desde Abajo. Y non, nun ye pa públicu infantil, ye p'adultos".

   "Nun sabemos quién foi la persona que punxo esi datu en Facebook", confesó Manuela Carmena, que repitió en delles ocasiones que'l folletu cola programación señalaba que yera un montaxe infantil. "Tratamos d'esclarialo", repostió.

   "Celia (Mayer) quier falar col so equipu xurídicu. Entiendo qu'ella va caltener la denuncia, puesto que les denuncies nun se quiten, y el so conteníu ta claru: mancaba la sensibilidá de los neños, nun yera apropiáu pa ellos y nun ye lo contratao. Otra cosa ye que daquién del Conceyu informara mal a los titiriteros y eso ye lo que vamos ver", esclarió.