Asturies.-El conseyeru d'Educación y Cultura del Gobiernu asturianu, Genaro Alonso, dixo esti miércoles qu'ente les sos prioridaes alcuéntrase'l  fomentu del usu de la llingua asturiana nos medios de comunicación, tanto públicos como privaos.

   Na comisión parlamentaria celebrada na Xunta Xeneral del Principáu d'Asturies (XXPA), Alonso esplicó qu'esi puxu del asturianu va tener "especial relevancia" na Radio Televisión del Principáu d'Asturies (RTPA), cola emisión de programes "que dean una visión normalizada del asturianu".

   El responsable de Cultura del Gobiernu asturianu esplicó que busca potenciar al máximu'l desarrollu llegal de la llei de 1998 d'usu y promoción del bable asturianu, al traviés de distintes actuaciones, como la d'elevar la presencia del asturianu nel ámbitu educativu. El Principáu va asegurar la so ufierta en tolos centros sosteníos con fondos públicos, estendiendo la so presencia na educación infantil, promoviendo'l so estudiu y aprendizaxe, y diseñando campañes de matriculación. Pa ello, apuntó, "va dotar a los centros educativos del personal necesario".

   N'esplicando que va aumentar la dotación presupuestaria de l'Academia de la Llingua Asturiana, de la qu'Alonso ye miembru, esplicó que va promovese l'usu del asturianu nel ámbitu institucional, lo mesmo de l'alministración pública como de los distintos organismos del Principáu d'Asturies.

SEMEYA: EUROPA PRESS