Diamantina Rodríguez ta acabante cumplir 94 años, esti pasáu mes de septiembre. Nacida en 1920 en Quirós, la más grande parte de la so vida pasóla en Mieres onde s’afaya anguañu’l Centru d’Estudios de l’Asturianada que lleva’l so nome.

El so repertoriu grabáu en discos de vinilu supera’l centenar de canciones asturianes. Falando con ella, estes son les 20 pieces qu’ella considera lo meyor del so repertoriu, escoyíes per ella mesma:

01 A la madre del mineru

02 Pastor que tas nel monte

03 Soi de Praviana

04 Onde la ñublina posa

05 Caballu al verde

06 Esta nueche tapeciendo

07 Segador que tas segando

08 De Santander a Xixón

09 Arboleda bien plantada

10 Puente de Sama

11 Ventanina

12 Puertu Ventana

13 Currucucú

14 A ónde vas tan temprano

15 Quixo cortexame un mozu

16 Adiós conceyu Quirós

17 Ónde vas de madrugada

18 La Mariñana

19 Soi asturianina

20 Esti pandeiru que toco

Nesti repertoriu hai un poco de too: asturianaes, dialogaes, braves, soberanes, xirandiyes, vaqueiraes… que reflexen bien los sos gustos personales.

Presta que, cumpliendo como vien de cumplir 94 años, falkar con ella signifique volver dar un repasu a la hestoria de la canción asturiana, pero tamién falar con dalguién que ta al día de tolo que sucede al so alredor, con plenu conocimientu ya interés pola nueva xeneración de cantadores.