El 22 d’ochobre que vien va cumplise’l primer cabudañu de la muerte del escritor mierense Víctor Alperi, al que la Rede de Biblioteques Públiques del Conceyu de Mieres va recordar cola organización d’una exposición dedicada al autor y a la so obra, y que va tenerr llugar na sala d’exposiciones de la Casa de Cultura Teodoro Cuesta de Mieres.

L’amuesa va permitir un averamientu al autor mierense, ufriendo materiales procedentes de la compra del so llegáu –realizada recientemente pol ayuntamientu a los sos heriedes y allugada na Biblioteca Vital Aza-. Estos materiales, qu’en bien de casos van disponese al públicu pela primer vez, cuenta con un importante apartáu fotográficu, correspondencia personal, manuscritos y llibros de notes… xunto con obra pictórica propiedá del autor, plaques y recuerdos personales, too ello presidío por una pieza podríamos dicir “fetiche” pa un escritor de la so dómina: la máquina d’escribir utilizada durante años pol autor y cola que creó una bona parte de les sos obres.

La exposición va contar tamién con un importante apartái bibliográficu, con bien de llibros dedicaos pol autor, obres d’autores contemporaneos, estudios y ensasyos sobre la so obra… provenientes de dos importantes secciones de la biblioteca mierense: la Biblioteca Asturiana Calleja-Castañón y los llibros de la Sección d’Escritores Mierenses, donaos pol autor nel so momentu a la biblioteca. Per último, una sección sobre “Alperi y Mieres” va recoyer documentos y fotografíes propies de la so vinculación cola nuestra villa y conceyu.

La exposición va poder visitase del 16 al 31 d’ochobre, na que va tar abierta nel horariu propiu de la sala d’exposiciones de la Casa de Cultura Teodoro Cuesta de Mieres.