El xuráu del XXVIII Memorial Silvino Argüelles ta acabante de decidir quien van ser esti añu galardonaos como les 10 Meyores Voces del Añu y el Meyor Gaiteru Acompañante de Tonada.
A lo llargo d’estos últimos 12 años, esti Memorial vien concediendo estos galardones a partir de les votaciones d’un númberu d’ente 10 y 15 xuraos, que nesta edición fueron 14. Toos ellos conocíos cantadores, expertos en canción asturiana, xente rellacionao colos concursos o colos medios de comunicación.
Asina, na presente edición, los xuraos fueron los siguientes: Diamantina Rodríguez Argüelles, cantadora de tonada; Javier d’Arroes, expertu en tonada; Sonia Fidalgo, presentadora de SONES en TPA; Facundo Fernandez Alvarez, presidente de l’Asociación Cultural Güeria de San Xuan organizadora del Concursu Cuenca del Caudal; Félix Martín, musicólogu y xuráu del Concursu y Muestra de Folclor Ciudá d’Uviéu; Vanessa Gutiérrez, escritora, articulista d’El Comercio y presentadora de Pieces en TPA; Saúl Fernández, periodista de La Nueva España d’Avilés; Miguel Fernández, periodista y responsable de Every Good Song; Francisco Torre, director del Concursu de la Canción de les Mines de La Nueva de Llangréu; Juan Carlos González, director del Concurso Folclore Ciudad de Oviedo; Laude Martínez Fernández, rexidor del programa SONES de TPA; Juan Manuel Martín, presidente de l’Asociación Cantu la H.orma de Peñamellera, responsable del Archivu Carlos Jeannot de Canción Asturiana; Javier Parajón, alcalde de Sariegu; y Alberto Cienfuegos, responsable del blog de canción asturiana Manzanes del Paraísu y presentador de SONES.
Y los galardonaos como Meyores Voces del Añu, una vez sumaes les votaciones, resultaron ser los siguientes, por orden alfabéticu de los sos apellíos: Belén Arboleya, Liliana Castañon Cerceda, Lorena Corripio, Andrés Cueli, Alvaro Fernandez Conde, María Latores, Juan Robledo, Anabel Santiago, Jorge Tuya y Marisa Valle Roso. Igualmente decidieron que’l Meyor Gaiteru Acompañante de Tonada del Añu fue Vicente Prado El Pravianu.
La gala d’entrega de los galardones del XXVIII Memorial Silvino Argüelles va retresmitise pola TPA dientro del programa SONES. Na edición pasada fue ún de los programes más vistos de la cadena.
