Al tiempu que se cumplen 37 años de la muerte del rei del rock and roll, caltiénse la lleenda col tema “Love me tender” na collaboración que tuviuera prevista nel so momentu con Barbra Streisand.

Esti tema recupérase gracies a la tecnoloxía que ye quién a axuntar la voz de Streisand cola d’Elvis Presley pa una versión que va tar incluyida nel próximu recopilatoriu del artista que va salir a la venta’l septiembre que vien.

Barbra y Elvis enzamás llegaran a collaborar demientres el cantante tuviera vivu. Ensin embargu, esto tendría d’haber sucedío na película “A nacido una estrela” si’l manager del cantante llegara a un alcuerdu monetariu pa la so participación.

Asinamesmo, el tema inéditu “Just Can’t Help Believen”, qu’Elvis Presley grabara en directo en Las Vegas, acaba de ver la lluz. Trátase de la pieza escoyida como adelantu de la caxa recopilatoria “Elvis: That’s the way it is”, l’álbum y el documental realizáu en 1970, xuntos pela primer vez nesta edicición de lluxu qu’inclúi ocho compactos y dos DVD.