Dellos aficionaos al jazz sonlo hasta les últimes consecuencies. Nel cementeriu Woodlawn del Bronx de Nueva York hai tantos fanáticos del jazz que nagüen por ser enterraos a la vera de les tumbes de grandes como Miles David o Duke Elligton que’l cementeriu ta preparando más zones pa cubrir la demanda.

El cementeriu va construyir unos 2.275 espacios nuevos ente la tumba de la estrella de la música llatina Celia Cruz y el nomáu “requexu del jazz”, la fastera onde aselen los músicos citaos xunto a otros como Liones Hampton o Illinois Jacquet.

Pauline Smith, de 74 años, mercó va tres años una plaza pa ser enterrada al delláu del “requexu del jazz”. Ye una gran amante d’esti xéneru y aveza dar fiestes nes que contrata a músicos de jazz pa tocar na so casa de Nueva Rochelle. “La música ta na tierra y nel aire y nos cielos”, comentó. “Préstame enforma la idea de poder continuar col mio amor nel otru llau”.

El cementeriu abrió esti añu 70 places tres de la tumba de Miles Davis, al marxen de los nuevos tarrenos en construcción. Cásique toes estes places yá tan vendíes.

El complexu tamién inclúi un mausoléu fináu en febreru con espaciu pa restos de 275 persones, con un preciu que va dende los 6 mil dólares por plaza. Ta previsto construyir otros cuatro edificios, pero nun tienen fecha de finalización.