Gmail, el serviciu de corréu ellectrónicu de Google, podría cambiar mui aína d’aspectu. La empresa del buscador tien a un grupu d’usuarios avanzaos probando la nueva versión.

D’aprobase los cambios publicaos por The Verge, la columna de la izquierda (etiquetes y buzones) camudaría nun panel qu’aparecería namás de la que’l punteru s’alluga sobre esi area. Pa escribir un mensaxe tendrá de pulsase un botón circular nel extremu inferior derechu de la pantalla y los recordatorios van integrase al corréu ellectrónicu.

Otra de les nueves funcionalidaes permite archivar un corréu pa que vuelva aparecer nel buzón d’entrada más alantre, nuna fecha definida pol usuariu. En vez de “estrelles” pa destacar los correos va haber “pins”. Los mails con un “pin” van poder programase pa tar siemre ente los primeros del buzón.

Como indicó’l sitiu Geek, nun hai fecha estimada pal llanzamientu del nuevu gmail, nin siquiera una confirmación de que lo van rediseñar. Nada se sabe tampoco de l’axenda de contactos de Google, de la que’l diseñu fuera repetidamente criticáu polos usuarios.