El conceyal de Cultura, Román Álvarez, presentó güei’l programa d’actividaes infantiles n’asturianu pal añu 2014,  qu’entama la  Estaya de la Llingua en collaboración  cola Asociación Reciella.

Participaron na rueda prensa Félix Fernández y Susana Sela, l’actriz Olga Cuervo y, la responsable de la Estaya , Montserrat Machicado.

Les actividaes programaes pa esti añu son les que vienen darréu:

-       21 de febreru. Día de la Llingua Materna. “De Rosines” (espectáculu teatral y musical) a cargu d’Olga Cuervo y  Ana Morán, con música de David Varela. 18:30 hores. Factoría CulturalAvilés.-

-       21 de marzu. “Piquicuentos”. Cuentacuentos pa neños de 0 a 6 años con Carlos Alba. 18:30 hores. Factoría Cultural.

-       25 d’abril. “Axuntábense” espectáculu musical con Olga Cuervo y David Varela. 18:30 hores. Factoría Cultural

-       10 de mayu. Selmana de les Lletres Asturianes.  “Mitoloxía”, cuentacuentos a cargu de Carlos Alba. 18:30 hores. Edificiu de la Pescadería Municipal. 

-       19 de setiembre, 3, 17 y 24 d’ochobre. Taller de narración oral a cargu de Carlos Alba. 18:00 hores. Duración de cada sesión dos hores.

-       28 de payares. Poemes de Carambelu. Conciertu a cargu del grupu musical Mestura. 19:00 hores. Factoría Cultural.  

-       12 d’avientu. Cuentacuentos “Mio güelu ye l’Anguleru”, a cargu d’Olga Cuervo. 18:30 hores. Factoría Cultural.