Metanes del intensu debate sobre’l conflictu ucranianu, el llíder opositor y excampeón mundial de boxéu Vitali Klitschkó fizo güei un llamamientu a continuar cola llucha pa consiguir la victoria.

“Ensin llucha nun va haber nenguna victoria. Por eso tenemos de lluchar pol nuestru país y vamos ganar”, aseguró delantre d’0un grypu de siguidores durante una manifestaciuón peles cais. “Ucrania tien un gran potencial. Queremos un país européu modernu, vivir con un futuru seguru”.

Poco enantes, nuna entrevista cola televisión pública alemana, Klitschkó alertó que “Ucrania s’afaya al borde d’una guerra civil”. Y agregó que “tenemos d’alcontrar una solución intermedia per dambes partes pa evitar la guerra civil. Conversar nun ye asgaya”.

El confictu d’Ucrania ye’l puntu central de la xornada de güei na 50 edición de la Conferencia de Seguridá de Múnich. El llíder opositor aterricó la nueche del vienres al sábadu na capital bávara. Dende entós s’afaya inmersu nuna maratón de conceyos con personalidaes como’l presidente del Conseyu Européu Herman Van Rompuy, la ministra de Defensa alemana, Ursula von der Leyen, o’l senador republicanu estadounidense John McCain.