El primer llibru n’inglés qu’amuesa lleis sobre los derechos de les muyeres, que data del sieglu XVII, va ser subastáu el 5 de marzu pola casa Bonhams de Londres, qu’estima que la so venta puea algamar les 3 mil llibres, unos 4 mil euros.
El textu, tituláu "The Lawes of Resolutions of Women's Rights; or the Lawes, Provision for Women" (Les lleis de resoluciones sobre los derechos de les muyeres, o les lleis, disposiciones pa les muyeres), fue ellaboráu por Thomas Edgar en 1632.
Según la casa de subastes, el llibru ye’l primeru en llingua inglesa qu’atropa los derechos y lleis relativos a la muyer, como la promesa de matrimoniu, el divorciu, la poligamia o la violación.
El llibru sal a la venta como parte d’una subasta de 472 llibros de derechu de la collección de la Biblioteca de Derechu del Condáu de Los Ánxeles. Esta biblioteca, la más importante nesta materia nos Estaos Xuníos depués de la Biblioteca del Derechu del Congresu, axuntó gran parte d’esta collección durante los pasaos años 40, 50 y 60. La venta va permitir a esa biblioteca disponer de más espaciu nes sos instalaciones pa conservar llibros raros y documentos sobre derechu americanu.
