A lo menos 21 persones morrieron nun atentáu en Cabul, nel Afganistán, según fontes oficiales. Un policía danés, un operario rusu de les Naciones Unidas, un ciudadanu británicu y dos norteamericanos tán ente les víctimes. El Ministeriu de los Negocios Estranxeros de la Rusia informó güei (17) que l'atentáu de la nueche d'ayeri (16) mató un operariu rusu de les Naciones Unidas, y destacó que l'ataque vieno demostrar que'l terrorismu ta n'ascensu nel Afganistán”.

La embaxada de los Estados Unidos  confirmó qu'a lo menos dos ciudadanos norteamericanos taben ente les víctimes del ataque, asocedíu nun restorán de Cabul. L'embaxador, James Cunningham, condergó l'ataque, clasificándolo de “actu vergoñosu” y alcordó que “les víctimes taben xuníes pol sentimientu d'humanidá compartida y pol compromisu d'ayudar a construyir un futuru de paz pal Afganistán”.

La xefe de la diplomacia de la Unión Europea, Catherine Ashton, declaróse “murnia cola muerte d'un miembru danés de la fuerza policial de la Unión Europea y de un británicu que trabayaba na protección de la misión”. "Condergo arelladamente esa violencia tarrecible ya inxustificable", dixo Ashton, garantizando que “la Unión Europea sigue empeñada en siguir a sofitar el pueblu afganu".

A lo menos 21 persones morrieron, incluyendo trelce estranxeros. L'ataque asocedió na hora de la cena, cuando dos desconocíos dispararon diverses vegaes nel interior del establecimientu, rellataron fontes oficiales. L'ataque a la Taverna de Llíbano foi de momentu asumíu polos talibanes, que combaten el gobiernu afganu y les fuerces internacionales aparcaes nel país lideraes polos Estaos Unidos

(Nueva de Agencia Brasil)