A la espera de los datos definitivos de visitantes, que nun se conocerán hasta fecbreru, el Muséu del Louvre vuelve asitiase na primer posición tente los más visitaos del mundu, con dalgo más de 9 millones, quedando’l Metropolitan Museum of Art de Nueva York, con poco más de 6 millones, en segundu llugar, y el British Museum de Londres, con 5 millones y mediu, en tercer puestu.

El Louvre, con too, tuvo un descensu de mediu millón de visitantes en rellación a los datos obteníos l’añu pasáu. 2013 fuera, según la dirección del muséu, un bon añu. Nésti, destacó l’aumentu de la presencia de públicu de París y de la rexón, asina como de grupos escolares, de los que dalgo más de 700 mil visitaron les exposiciones.

De toles formes, el públicu foranu volvió ser el más importante, con cásique un 70% del total, encabazos por estadounidenses, xinos y brasileiros. Nun añu particularmente interesante porque s’inauguró la nueva sé en Lens, que yá cumplió un añu y na que recibió cerca d’un millón de visites. Y fue tamién l’añu nel que Jean-Luc Martínez, de 49 años, responsable del departamentu d’antigüedaes griegues, etrusques y romanes, sucedió al que fuera director del muséu nos últimos doce años, Henry Loyrette, de 60 años.

Con Henry Loyrette al mandu, el Louvre vio cásique duplicar el númberu de visitantes, fuera’l gran impulsor de l’apertura de la sé na ciudá minera de Lens, de la entrada del arte contemporaneu en toles sos formes, de la construcción del departamentu d’Artes del Islam y del llanzamientu del Louvre d’Abu Dabi, que constrúi Jean Nouvel y que se prevé va ser inauguráu en 2015.