La Plataforma Khetané, del movimientu asociativu xitanu del estáu español, informa sobre la cellebración de les Primeres Xornaes sobre Asociacionismu Xitanu, que van llevase al acabu los díes 4 y 5 d’avientu de 2013 en Madrid. L’eventu va realizase dende’l Programa Oficina de Coordinación, financiáu pol Ministeriu de Sanidá, Servicios Sociales ya Igualdá.

Cola puesta en marcha d’estes xornaes de trabayu proponen facer una contribución al desarrollu maduru d’una reflexón collectiva sobre les numberoses experiencies, problemes y obxetivos que se presenten anguañu nel ámbitu del so trabayu pola propmoción del pueblu xitanu. Cuiden que ye’l momentu de facer balance críticu, d’actualizar propósitos y establecer estratexes en xunto al traviés de les que superar, d’una vez per toes, los yá tradicionales enzancos escontra los que lluchen.

Consideren igualmente que les sos identidaes, como asociaciones particulares, son importantes y tienen el so llugar, pero la salú y bayura de la so identidá cultural como pueblu van ser les que, finalmente, produzan los importantes cambios polos que vienen trabayando.