Miles de moscovites salieron esti domingu a la cai pa desixir la puesta en llibertá de los presos políticos, vixilaos por un gran despliegue de la policía rusa. Con lemes como “¡Llibertá sí, gulag non!” o “¡Rusia ensin Putin!”, los manifestantes desixeron al presidente rusu, Vladimir Putin, que ponga en llibertá a los opositores presos.

La policía falónde 5 mil participantes, demientres la oposición contó ente 7 y 12 mil. La marcha trescurrió per varies casi del centru la capital.

Opositores como Alexei Navalny, Boris Nemzov y Vladimir Ryshkov desixeron el fin de la represión escontra les muyeres de la banda de punk Pussy Riot y tamién den ex magnate del petroleu Mijail Jodorkovski, encarceláu dende va 10 años.

“¡Llibertá pa los heroes del 6 de mayu!”, gritaben tamién los manfestantes n’alcordanza de les decenes de deteníos nes protestes escontra Putin del añu pasáu. Bien d’ellos fueran condenaos o esperen en prisión preventiva a ser sometíos a un procesu xudicial.