Tres l'anulación del PGOU llaniscu pola denuncia d'Andecha Astur, el Tribunal Supremu vien de facer otru tantu cola urbanización de L'Atalá, abriendo les puertes a los derribos.

De magar l'anulación del PGOU llaniscu, el Tribunal Superior de Xusticia d'Asturies tamién anuló (mayu de 2010) el plan parcial de L'Atalá, pero l'Ayuntamientu (PSOE) y la Xunta de Compensación de L'Atalá (básicamente Cajastur) presentaren sendos recursos de casación escontra tala anulación, siendo'l Tribunal Supremu español l'encargáu de decidir sobro ellos.

Yá d'aquella yera curioso que nun fuere'l "Principado" quien presentares los recursos, darréu que foron ellos los que, al traviés de la Comisión d'Urbanismu y Ordenanza del Territoriu (CUOTA) foron los que dieren el vistu bonu al Plan Parcial de L'Atalá. 

Agora, el Tribunal Supremu vien de resolver que nun ha llugar ensiquiera a anailzar talos recursos de casación, darréu que si'l Plan Parcial de L'Atalá ye una parte del PGOU de Llanes, y esti foi declaráu nulu, con más motivu tien de resultar nulu un Plan Parcial que formaba parte de dichu Plan Xeneral.

Con esta resolución ca vuelta ta más prósimu'l derribu de les edificaciones feches de magar la especulación urbanística que suponía'l PGOU llaniscu aprebáu pol PSOE.