Michael Jackson recuperó’l tronu de los artistes fallecíos que más ingresos xenera tres de cedé-ylu l’añu pasáu a la so amiga Elizabeth Taylor, según la llista de Forbes na qu’entra pela primer vez la cantante mexicana Jenni Rivera. La revista detalla esti miércoles na so web que los heriedes del rey del pop ganaron ente xunu de 2012 y xunu pasáu 160 millones de dolares (116 midllones d’euros), incluso per enriba de los 125 millones (91 millones d’euros) que s’embolsó Madona, l’artista viva que más ingresos llogró nestes feches.

En segundu llugar asitia esti añu otru rei de la música, nesti casu del rock, Elvis Presley, con unos ingresos de 55 millones de dólares (40 millones d’euros), per delantre del dibuxante de cómic Charles M. Schulz, autor de Snoopy, con 37 millones (27 millones d’euros). La llista Forbes continúa cola actriz Elizabeth Taylor, el cantante Bob Marley, la tamién actirz Marilyn Monroe, y el cantante y compositor John Lennon.

Otru de los ricos muertos ye Albert Einstein, col que los heriedes ganaron l’añu pasáu 10 millones de dólares (7,2 millones d’euros), los mesmos que l’actriz Betty Page, per delantre de Theodor Geisel, conocíu como Dr. Seuss y autor de los llibros qu’inspiraron “The Cat in the Hat”. Nesta franxa d’ngresos millonearios-yos siguen l’actor Steve McQueen, per delantre de Bruce Lee y la citada cantante mexicana Jenni Rivera, que se cuela pela primer vuelta na clasificación de Forbes. La nomada “reina de la banda” vendió cerca d’un millón de discos dende la so tráxica desaparición nun accidente d’avión en México, cásique los mesmos que vendiera a lo llargo de tola so carrera, arriendes de los ingresos qu’obtuviera por un reality show y una autobiografía.