Un nuevu virus informáticu percorre la rede. Cryptolocker toma’l control del ordenador, cifra tolos ficheros a los que tien accesu, y pide un rescate de 300€ al usuariu. Esta forma de xantaxe ellectrónicu, que conceptualmente nun ye nueva, de momentu nun tien solución anque sí formes de prevenilu.

Crysptolocker infecta ordenadores, principalmente, al traviés d’un archivu adxuntu nun corréu ellectrónicu. El mensaxe, que finxe provenir d’un bancu o dalguna entidá de confianza pal usuariu, incorpora un ficheru que, si s’executa, toma’l control de l’ordenador. Creese que namás afecta a máquines qu’utilicen el sistema operativu Windows.

Según el blog de seguridá Naked Security, de la compañís de seguridá informática Sophos, el virus cumple les sos amenaces. Una vez toma’l control del sistema contacta con un servidor y xenera un par de claves cryptográficques coles que cifra tolos archivos a los que tien accesu l’ordenador. Depués amuesa una ventana na qu’informa del xantaxe. L’usuariu tien 100 hores de plazu pa pagar los 300€. Namás entós se lu va proveer de la contraseña cola que recuperar los sos archivos.

Amás del xanatxe, informa Geek.com, el virus acepta’l pagu al traviés de la divisa criptográfica Bitcoin. Esto permite a los atacantes protexer la so identidá ante la policía, y a les víctimes nun tener que proporcionar la información de la so tarxeta de créitu.

Dende’l blog Sophos recomiéndase a los usuarios tener especial curiáu colos archivos adxuntos que reciben al traviés del corréu ellectrónicu y nun abrir nengún archivu sospechosu o inesperáu.