Lo más importante pa un negociu ye onde s’alluga. Asina, los comercios nos centros de les ciudaes tan enforma más osixenaos, pesie a la crisis, que los de los alredores. Pero, arriendes, lo que descubre un nuevu informe independiente entamáu pola empresa Planol.info ye que la capital catalana tien un epicentru de tiendes más dinámicu que la mesma capital d’España.

En concreto, suma la metada d’establecimientos pesllaos (559) que Madrid (1.191). Porcentualmente la diferencia ye menor, 9,9% de comercios trancaos frente al 14,1%, porque con un 19% más d’extensión territorial el nucleu hestóricu madrilanu alluga más inmuebles que’l catalán.

La llectura de los expertos del observatoriu económicu Eixos ye que l’éxitu turísticu internacional de Barcelona ye clave nesta mayor actividá nos sos especiaos comerciales. Pero, l’informe tamién ruempe estereotipos al perfilar el mix comercial de Ciutat Vella como modelu equilibráu que, pesie a les apariencies, nun sucumbió al monocultivu turísticu.

Esta empresa, que va unos meses yá diseccionara’l comerciu de Barcelona pa descubrir qu’un 12% de les sos tiendes teníen la persiana baxada, pon la lupa nesti casu nel distritu centru madrilanu, pa comparar la so situación comercial cola del embreligru de Barcelona. Nel primeru concéntrense 8.448 negocios, frente a los 5.622 del segundu, repartíos estos en 4,73 km cuadraos. En dambos casos conviven diversos barrios con más y menos axitación de visitantes y compradores, según los datos recopilaos nos últimos meses de 2012 y primeros de 2013.