El rotativiu neoyorquín publicó esti miércoles un reportaxe sobre qué pienses los empresarios catalanes en referencia una posible independencia de Cataluña. L’artículu expón les duldes que tienen les grandes empreses que centren les sos ventes na exportación y analiza’l conflictu políticu ente la Generalitat y el Gobiernu central.

The New York Times explica que Cataluña representa una quinta parte de los ingresos económicos del país, a pesar de nun ser más que’l 16% de la población española. A partir d’estes cifres, el periódicu pon en relieve los datos revelaos pol Gobiernu de Mas el pasáu martes y asina señala que son “más de 9.400 millones d’euros” los qu?españa debe a la Generalitat poles desventaxes fiscales. Con too, tamién recuerda qu’en dellos otros momentos de la hestoria “Cataluña beneficióse” del Executivu central, y como exemplu cita los Xuegos Olímpicos de 1992 que “fueron financiaos en parte pol Gobiernu” y que “aidaron a tresformar Barcelona nuna de les ciudaes más visitaes d’Europa”.

El periódicu recueye les opiniones de ciertes empreses catalanes y asgura que toes sienten una “seria preocupación” ante la posibilidá de que Rajoy puea “vedat l’adhesión de Cataluña a la Xunión Europea si la independencia se consigue ensin l’aprobación de Madrid”.

Asina, el periódicu cita a les empreses emblemátiques de Cataluña y el fechu de que los sos empresarios nun tean nada seguros de romper los llazos con España. Empreses como Freixenet, La Caixa, FemCat, Cecot y Simon, colo que resalta los estremaos puntos de vistas incluso ente les mesmes élites económiques.