El públicu na sala de butaques del cine sabe que la muerte va llegar aína. Nel gran final, la visión del personaxe empieza a fallar y ella sube seliquino una llarga escalera. El director sabía qu’esi momentu-y diba asegurar la candidatura a un tercer Oscar. Preguntáron-y al director: “¿Quién tan faciendo la música d’esta película?”. Y respondió que’l dafechamente talentosu Max Steiner.

Stainer compunxera la revolucionaria partitura de King Kong, en 1933. Fuera la primer banda sonora completa de Hollywood y la que permitió a los aficionaos sentir empatía ante los designios del destín d’un gorila xigante de plastilina.

Bette Davis intentó que la so ascensión de les escaleres nun llevaran música nenguna. Llegó a dicir: “O subo yo eses escaleres o les sube Max Steiner, pero los dos xuntos, non”. La opinión de Davis fue ingnarada y esa escena xeneró dos nominaciones a los premios de l’Academia: una pa ella y otra pa Steiner.

L’anécdota demustra la importancia de la música nel cine y el poder qu’una banda sonora pue exercer nel públicu. El compositor Neil Brand, presentador de la serie de la BBC “La música que fizo les películes”, cuida que los nuestros sentíos agudícense nel momentu nel qu’entramos na sala de cine.

Los exemplos más cenciellos d’esto afáyense nes películes de terror y de suspense, qu’empleen soníos disonantes y rinchones qu’asociamos inconscientemente con animales en peligru. En películes, como “Psicosis”, d’Alfred Hitchcock, de 1960, la tensión de les cuerdes y los bronces desaxeraos imiten el ruíu del pánicu na naturaleza. El director dixéra-y de mano al compositor Bernard Herrmann que dexara la célebre escena de la ducha ensin música. Pero’l compositor escribió la partitura con notes afilaes y discordantes, que remembre los glayíos de los animales. Hitchcock, por supuesto, camudó la opinión.