Santiago de Compostela.- Esti domingu s’informaba a los medios de comunicación que los incendios qu’afectaran a Monte Pindo, en Carnouta, asina como a Negreira, Porto do Son y Gondomar, permanecíen controlaos tres de quemar dalgo más de tres mil hectárees.

La Xunta fai una llamada d’atención sobre la concentración nel tiempu y nel espaciu de los incendios. Como ye’l casu de la parroquia ourensana d’As Neves que sufrió cerca de 40 en poco más d’un mes y la parroquia pontevedresa de Dozón que tien sumaos la quincena.

El presidente de la Xunta informaba esti sábadu que la Xunta diba personase dende yá nes dilixencies penales contra los incendiarios pa los que se diba pidir prisi´ñon provisional, asina como’l pagu de los gastos qu’ocasionaran les estinciones. La Xunta ye de la opinión de qu’estos incendios sucédense nestes mesmes feches d’otros años polo propicio del tiempu, finales del branu, y col firme propósitu de xeneral el más grande dañu posible. Asina, dase’l casu de que cásique tolos incendios surden a última hora de la tarde cuando resulta imposible la participación de los medios aéreos d’estinción. Polo tanto, la Xunta reitera la consideración del carácter homicida d’estos incendiarios.

L’incendiu d’esti fin de selmana nel Monte Pindo ye’l qu’afectó a una más grande superficie de tarrén, dalgo más de 2000 hectárees. Declarárase’l pasáu miércoles y los serviciós d’incendios de la provincia considerábenlu matáu a media tarde del sábadu.