La banda asturiana de rock elixió la Folixa de Ciañu pa facer una preba en direutu con nun menos de cinco o seis cancios d’un trabayu que s’espublizará a finales d’añu

Dixabra compartirá escenariu con Arma X, Skontra, IRA y Zigua

Dixebra, la banda de rock que más tiempu lleva n’activu n’Asturies ensín parones (el pasáu 6 de xineru cumplieronse 27 años dende’l so surdimientu) ta trabayando nun nueu discu que verá la lluz, si too va bien, a finales d’añu. Sedrá el disco númberu 12 en la so discografía y munchos d’estos cancios podrán sintise por primera vegada esti sábadu en Ciañu (Llangréu), en la XI Folixa del Primeru de Mayu, que dende 2003 entama FUSOA.

Enantes de metese nel estudiu, el grupu de Xune Elipe quier prebar los nuevos cancios en direutu. El público que vaya a la Folixa d’esti sábadu sedrá el primeru en sintir esti nueu material. Entá puen mercase les entraes anticipaes, a un preciu de 10 euros. En taquilla costarán 12 euros.

Na Folixa, que entamará a les 19 hores del prósimu sábadu nel cine Ideal de Ciañu (Llangréu) y pa la que hai autobuses dende Uviéu y Xixón, Dixebra comparte cartelo con Arma X, Skontra, IRA y Zigua.