Esto decía yo'l
Pronostiqué nel 13/01/2014, que la economía diba crecer más bien en torno al 1,5%:Vista la tasa de crecimientu del PIB nel últimu trimestre del 2013 (que dalgunos yá previéramos nel 2012), nun va ser difícil que la tasa de crecimientu del 2014 pase del 1,5%, y que l'empléu creza más que toles previsiones feches hasta agora, incluso les más optimistes."Más bien" quería decir "frente a les previsiones del Bancu d'España, del Gobiernu, del FMI y d'otros organismos internacionales, que taben n'aquella fecha de xineru d'esti añu, y hasta unos meses más allá, ente'l 0,4% y el 0,7%.Agora acabamos de saber que la economía creció un 0,5% nel segundu trimestre, lo que vien sumase al 0,4% del primeru. Por ello, el Bancu d'España acaba de modificar al alza la previsión de crecimientu de la economía, un 1,35 del PIB nel 2014. y un 2% pal 2015.Ye evidente qu'eses previsiones queden curties: suponiendo que creza un 0,5% tamien nel tercer trimestre (que seguramente va ser más) y un 0,3% (siendo pesimistes) nel cuartu, taríamos nun crecimientu del 1,7%. Esto ye, posiblemente yo tamién quedé curtiu a principios d'añu.Y mañana falamos del empléu y del paru, que va, entovía un poco meyor que les mios previsiones a mediaos del 2012 y nel 2013.
Acaba d'anunciase que la economía creció un 0,5 nel tercer trimestre, que yo sepa, polo tanto, llevamos nel añu un crecimientu del 1,4. Por poco que se creza nel cuartu trimestre...
¡Ah!, y la tasa de paru baxa en 192.200 persones y la ocupación aumenta en 151.000 persones, too ello nel últimu triemestre.
Un día vamos facer unes reflexones sobre lo que se diz cada vegada qu'apaecen datos buenos sobre la economía y el crecimientu.
