Dalgunos vienden como gran trunfu que'l Gobiernu Rajoy, el más dañible p'Asturies dende la invasión romana, autorizara la migaya de poner la vía de tren na Variante, como si'l furacón ensin dientes de la mesma pudiera siguir ende años y paños enllenándolos de vergoña.

El gran trunfu, ensin dulda, ye de los catalanes, qu'al berru de “voi, que me voi" saquen al patriota presidente, más de 20.000 millones añidíos y un AVE direutu a París, a tiru de piedra’l coral d'Europa, pa fondar entá más la división ente españoles ricos, n'infraestructures, en servicios, en dineru, y los condergaos a la estinción, ensin Alta Velocidá, ensin salíes per carretera, ensin infraestructures nin equipamientos básicos pal desendolcamientu del comerciu y l'industria nel sieglu XXI.

Y la ministra de Fomentu vien güei tan arguyosa a inaugurar un tramu de vía con más de 20 años de retrasu. ¡Hai qu'echa-y valor...y de comer, aparte!