Y dende'l Principáu, esto ye, dende'l PSOE y la FSA. Y dende l'Ayuntamientu d'Avilés. Porque ¿quién esperaba que fuese otra cosa un proyectu qu'arrancó con un garabatu, con un monu pintáu nun papel, por mui de Niemeyer que fuere? ¿Cómo podía ser d'otra manera una "cosa" que nunca se supo pa qué yera, si pa muséu los Premios Príncipe, si pa chigre, si pa muséu d'arte, si pa sala esposiciones, si...?
¿Y cómo podía ser d'otra manera una cosa qu'arrancó con un "véndovos Mareo", una tarde dempués d'una comida ente Graciano García y Álvarez Areces?
¿Tenía otres pintes una cosa na que s'engañaba a la xente diciéndo-yos que dende los EEUU venía la xente, como Kevin Space y otros, gratis, solo polo que queríen a...? Bueno, inxamás tuvo claro si yera al PSOE, a Avilés o a Asturies.
¿Podía ser otru engañu distintu al que tantes vegaes fexo'l PSOE a los avilesinos prometiéndo-yos museos y inversiones qu'inxamás llegaren nin van llegar?
Y yá, cuando'l PP y Aréstegui se punxeren a aponderalo y aplaudilo, ¿a quién nun se-y punxeren los pelos de punta?
Entós, ¿a quién-y estraña que'l Niemeyer tenga un pufu de 2,5 millones d'euros y que sigamos ensin saber qué ye o pa qué ye?
Gran ésitu del PSOE, d'Álvarez Areces (¿alcuérdense: el meyor xestor qu'inxamás viera Asturies, nos llabios de la izquierda y la derecha?) y de Pilar Varela. ¡Ah y del PP y de Joaquín Aréstegui, que se sumaren a última hora a les emponderances!
