La Escuela de Doblaxe d’Asturies (EDAS) aumenta la so ufierta formativa pa los meses de branu. Ente ello convocó un taller de doblaxe en llingua asturiana, entamáu pensando naquellos/es que nun tuvieren contautu nengunu col mundu del doblaxe o namás tuvieren un contautu curtiu col mesmu. Quierse que los/es alumnos/es vayan afayándose nel doblaxe n’asturianu de la que s'abre camín a futuros profesionales que puedan trabayar pa empreses del seutor o pa la televisión autonómica d'Asturies.
Nesti taller trátense elementos téunicos y humanos de la profesión, el métodu, la sincronía y el take. Va trabayase dándo-y una importancia especial a la observaciónde la escena y de los actores, col envís de llograr una bona interpretación acordies cola versión orixinal. Habrá exercicios de doblaxe sobre material audiuvisual de xéneros estremaos (drama, comedia, musical...), d'animación y comerciales.
La duración d’esta propuesta formativa ye de 36 hores, dixebraes en dos sesiones selmanales (miércoles y vienres) n’horariu de tarde, dende’l 20 de xunu hasta’l 27 de xunetu.
Más información sobre conteníos del taller y otros aspeutos d’ésti puen vese na web de la EDAS.
Enllazos d'interés
Talleres na EDAS
