La Xunta Estudiantil Asturiana entama n'Uviéu un ciclu coles siguientes películes: La lengua de las mariposas, Ça commence aujord'hui (Hoy empieza todo), Die Welle (La Ola) y Freedom Writers (Diarios de la calle) incluyendo tamiem un posterior alderique alrodiu diferentes temes trataos n'elles.

Tolos xueves a les 19:00 dende'l 12 d'abril hasta'l 3 de mayu proyeutarase una de les películes. Les películes sedrán toes nel so idioma orixinal incluyendo sotítulos. El oxetivu nun ye namás pasalo bien sinón tamién facenos varies entrugues ¿Qué ta mal nel actual sistema educativu? ¿Qué ye lo que queremos cambiar? ¿Cómo podemos facelo?

Respondiendo a estes entrugues dende la XEA alcontramonos cola llucha por cambiar la educación pa tresformar la sociedá. El cambéu como única forma d'algamar la emancipación personal y como pueblu, por eso creyemos que siguir afondando n'ello ente nosotros y con persones que s'acerquen a estes xornaes ye pernecesariu p'avanzar col cumplimientu los nuesos oxetivos.
Les proyeiciones son abiertes a cualesquier persona interesao nel tema porque creyemos que la educación nun ye un tema de los estudiantes, ye dalgo que-y tien que importar a toa la sociedá.