Educación entama un alderique para celebrar el 20 aniversariu de l'aprobación de la Llei d'Usu y Promoción del Asturianu. Dellos xuristes van analizar el marcu llegal de la llingua asturiana, el so nivel de desenvolvimientu y les mires de futuru
Asturies.-El 23 de marzu de 1998 aprobábase la Llei 1/1998 d'usu y promoción del bable/asturianu, estos díes cúmplense dos décades de la so puesta en marcha. Al rodiu d’esta efeméride la Conseyería d'Educación y Cultura, al traviés de la Dirección Xeneral de Planificación Llingüística y Normalización, entama'l llunes 19 de marzu una mesa de debate ente xuristes baxo’l títulu 20 años de la Llei d’Usu y Promoción del Asturianu.
Na mesa, moderada por Vicente Hoyo Montero, secretariu xeneral técnicu de la Conseyería d'Educación y Cultura, van participar como ponentes José Manuel Pérez Fernández, profesor titular de Derechu Alministrativu de la Universidá d'Uviéu, na actualidá lletráu del Tribunal Constitucional; Leopoldo Tolivar Alas, catedráticu de Derechu Alministrativu de la Universidá d'Uviéu; y Nicolás Bartolomé Pérez, abogáu y escritor, espertu en temes llingüísticu-llegales.
L'alderique, que se va celebrar a les 19:00 hores nel Salón de Té del Teatru Campoamor d'Uviéu, va tratar ente otros aspectos la evaluación de la Llei d'Usu como ferramienta de normalización llingüística, el marcu llegal del asturianu en comparanza col d'otres llingües, un analís del nivel de desenvolvimientu alcanzáu pola Llei nestos dos decenios, asina como les espectatives de futuru de la mesma.
Dempués de la esposición de los especialistes, va abrise una ronda d'entrugues ente'l públicu asistente.
CAST
Educación organiza un debate para celebrar el XX aniversario de la aprobación de la Ley de Uso y Promoción del Asturiano
- Expertos juristas analizarán el marco legal de la lengua, su nivel de desarrollo y las expectativas de futuro
La Consejería de Educación y Cultura organiza el próximo lunes una mesa de debate entre juristas bajo el título 20 años de la Llei d’Usu y Promoción del Asturianu con motivo del aniversario de la aprobación de la Ley 1/1998 de Uso y Promoción del bable/asturiano.
En la mesa, moderada por el secretario general técnico de la consejería, Vicente Hoyos, participarán como ponentes José Manuel Pérez Fernández, profesor titular de Derecho Administrativo de la Universidad de Oviedo y en la actualidad letrado del Tribunal Constitucional; Leopoldo Tolivar Alas, catedrático de Derecho Administrativo de la Universidad de Oviedo, y Nicolás Bartolomé Pérez, abogado y escritor, experto en temas lingüístico-legales.
El debate, que se celebrará a las 19:00 horas en el Salón de Té del Teatro Campoamor de Oviedo, abordará entre otros aspectos la evaluación de la ley de uso como herramienta de normalización lingüística, el marco legal del asturiano en comparación con el de otras lenguas y un análisis del nivel de desarrollo alcanzado por la normativa en estos veinte años, así como las expectativas de futuro de la misma.
Tras la intervención de los especialistas se abrirá una ronda de preguntas entre el público que asista al acto.
