13 de Febreru. Martes d’Antroxu. De 20 a 22h.
Esti ye’l segundu añu que vuelven los Mazcaritos d’Uviéu a les cais del barriu Antiguo de la ciudá. L’Antroxu tradicional d’Uviéu yá ye una realidá. Los Mazcaritos d’Uviéu van abrir el desfile de Carnaval del día 17 de febreru coles mazcaraes tradicionales, los Sidros de Valdesoto y los Zamarrones de L.lena.La comparsa ta compuesta por más de 20 personaxes y esta nueche saldrán: El cura rezando responsos, los sábanos llevando n’andes la sardina, el vieyu y la vieya, el galán y la madama, los soldaos, zuavos y sopistes de la estudiantina. Y nun pue faltar el diañu coloráu, nin la destrozona, símbolo del antroxu carbayón. Manda un capitán y carga la mula col aguinaldu del antroxu. La Murga o bandina de músicos de Turcipié acompaña la comparsa.
Los Mazcaritos d’Uviéu que corrieron l’antroxu los díes verdaderos del antroxu carbayón: Xueves de Comadres, Sábadu Frixueleru, Domingu Larderu y Llunes Gordu, despídense esti Martes d’Antroxu -martes y 13- coles tradiciones del Xuiciu al Pelele y l’Entierru la Sardina. PROGRAMA - ITINERARIOSA les 20h, salida del Entierru la Sardina de la Cai Paraíso.
La Comparsa pasa pela Plaza l’Ayuntamientu, Cimadevilla, Porlier (Farsa del Xuiciu al Pelele delantre l’Audiencia), Plaza la Catedral y Gascona (Entierru la Sardinanel tonel de sidra).A Les 20,15, delantre l’Audiencia, va facese la Farsa del Xuiciu o Procesu de la república de Tolonia nel reinu de Tolón, colos dos peleles, Putiferio y Puchidemón, el xuez, pregoneru y guardies.A les 22h, nel Bulevar de la Sidra de Gascona, l’Entierru la Sardina nun tonel de sidra, col duelu d’autoridaes -el xuez, el cura, el mélicu- les plañideres y l’enterrador (Milio del Nido) que dirá unes pallabres pa dispidir l’antroxu hasta l’añu venideru.
