La recuperación del Antroxu tradicional d’Uviéu ye una realidá. El pasáu añu 2017 una comparsa organizada por Paraíso Local Creativo corrió l’antroxu peles casi del barriu antiguo de la ciudá. Esi mesmo añu participaron nos stands del Ayuntamientu nel XII Festival Internacional de Mascarada Ibérica de Lisboa y de la Feria de Muestres de Asturies. Esti ye’l segundu añu que vuelven los Mazcaritos a las cais, abriendo tamién el desfile de Carnaval del día 17 de febrero coles mazcaraes tradicionales, los Sidros de Valdesoto y los Zamarrones de L.lena. Los Mazcaritos, la mazcarada del antroxu carbayón corren l’antroxu los días tradicionales: 8 de febreru, Xueves de Comadres, 10 de febrero, Sábadu Frixueleru; 11 de febrero, Domingu Larderu; 12 de febreru, Llunes Gordu y 13 de febrero, Martes d’Antroxu. La comparsa ta compuesta por más de 20 personaxes: La destrozona, paisanu disfrazado de muyerona o bruxa con escoba, los sábanos con ropa de cama, los zaparrastros con sacos y cencerros, el vieyu y la vieya, el cura y el diañu, la rollona y el neñu, el galán y la madama, la osa y los zíngaros, el xuan, l’aviador, y los soldaos, zuavos y sopistes de la estudiantina. Guía’l ciegu col lazarillo, manda un capitán y carga la mula col aguinaldo. Canten coples y hacen las comedias del partu de la rollona col médicu, el xuiciu al pelele, con xuez, pregoneru y guardies, o l’entierru la sardina, con cura, plañideres y enterrador. La Murga o bandina de músicos acompaña la comparsa.

PROGRAMA

Esti mesmu xueves 8 de febrero. De 20 a 22h salen de Paraíso les Comadres. Pasucais de música y baille pel barriu Antiguo p’acabar en Gascona. (posible confluencia cola charanga feminista na plaza la Catedral). 10 de Febreru. Sabadu Frixueleru. De 18 a 22h, Plantar la Vieya, frixuelos y bailles na Plaza’l Paragües. Pasucais de música, baille y actuaciones pel barriu Antiguo. Itinerariu: Postigo, San José, Plaza’l Paragües, Plaza l’Ayuntamientu, Cimadevilla, Plaza de la Catedral, Águila y Gascona. 11 de Febreru. Domingu Larderu. De 12 a 15h. Pasucais de música, baille y actuaciones. Itinerariu: Plaza l’Ayuntamientu, Fierro, Plaza’l Fontán, Plaza la Escandalera, San Francisco, Plaza la Catedral y Gascona. 12 de Febreru. Llunes Gordu. De 17 a 20h. Antroxu infantil. Plaza’l Paragües y aledaños del barriu Antiguo (si el tiempo lo permite, que son neñes y neños). 13 de Febreru. Martes d’Antroxu. De 20 a 24h. Entierru la Sardina. Plaza l’Ayuntamientu, Porlier (Farsa del Xuiciu al Pelele delantre l’Audiencia), Plaza la Catedral y Gascona (Entierru la Sardina nel tonel de sidra)