El conseyeru d'Educación y Cultura va presidir la gala d'entrega de los gallardones el xueves viniente, 14 d'avientu, a les 19.00 hores, nel Paraninfu de la Universidá d'Uviéu. Los premios d’anguaño recayeron en Berta Piñán (Novela y Lliteratura Infantil y Xuvenil), Pablo X. Suárez (Poesía), Xuan Santori (Ensayu), Alberto Vázquez García (Cómic) y Carlos Alba (Teatru Profesional)
Asturies.-El Paraninfu de la Universidá d'Uviéu acueye'l xueves 14 d'avientu, a partir de les 19.00 hores, l'actu d'entrega de los seis premios lliterarios que la Conseyería d'Educación y Cultura convocó nel 2017 cola mira de consolidar la llingua asturiana como vehículu d'espresión lliteraria de primer orde: el Premiu «Xosefa Xovellanos» de Novela (38.ª edición); el Premiu «Xuan M.ª Acebal» de Poesía (23.ª edición); el Premiu «Máximo Fuertes Acevedo» d'Ensayu (23.ª edición); el Premiu «M.ª Josefa Canellada» de Lliteratura Infantil y Xuvenil (10.ª edición), el Premiu «Alfonso Iglesias» de Cómic (9.ª edición) y el Premiu «Nel Amaro» de Teatru Profesional, que la Conseyería d'Educación y Cultura convoca anguaño pela primer vez y al que podíen presentase obres de compañíes profesionales que fueren yá estrenaes n'asturianu o gallego-asturianu, tanto orixinales como versiones o adaptaciones de títulos n'otres llingües.
Nel trescursu del actu va entregase a los gallardonaos una pieza artística otorgada en reconocencia a la calidá de les sos obres y la so significación como aportaciones sobresalientes y innovadores a la creación lliteraria en llingua asturiana. La gala va cuntar amás cola actuación musical d'Alfredo González y Silvia Quesada.
Información sobre autores y obres
Premiu Xosefa Xovellanos de Novela: Berta Piñán, pola obra Como la muda al sol d’una llagartesa
Berta Piñán (Cañu, 1963) destaca como una de les voces más sólides del surdimientu lliterariu asturianu. Profesora de Llingua y Lliteratura y académica de la llingua asturiana, empezó cultivando la poesía nesti idioma con títulos como Al abellu les besties (1986), Vida privada (1991), Temporada de pesca (1998), Un mes (2002) y La mancadura (2010), publicada n'edición billingüe asturianu-castellanu. Muestra de la so narrativa curtia son obres como La tierra entero (1995) y La maleta al agua (2005).
El xuráu del premiu decanu de les lletres asturianes decidió por mayoría conceder el gallardón a la so obra Como la muda al sol d’una llagartesa, destacando “la complexidá narrativa d'una historia bien trabada con numberosos personaxes que caltienen l'interés a lo llargo de la llectura de la obra. La novela, que parte d'un fechu criminal, percuerre distintos aspectos de la sociedá asturiana d'anguaño, sobre manera del mundu rural”.
Premiu Xuan María Acebal de Poesía: Pablo X. Suárez, pola obra Little Babilonia
Pablo X. Suárez (Orviz, Siero, 1981) ye filólogu y especialista en llingua asturiana. Ceador de la Timba Poétika y poeta oral, tien publicaos n'asturianu los poemarios Asturiana Beat (2005) y El sistema débeme una chocolatina (2011), amás del volume de relatos Yoni y yo. Ye autor tamién de les obres en castellanu Pop retórika (2010) y Cómo evitar l'apocalipsis (2016).
A la d’otorgar el Premiu «Xuan M.ª Acebal» a Little Babilonia, el xuráu destacó “el nivel llingüísticu y estilísticu y la brillantez de les imáxenes d'un testu que xuega y entemez la tradición más clásica coles referencies más pop”.
Premiu Máximo Fuertes Acevedo d'Ensayu: Xuan Santori, pola obra 42.553: depués de Buchenwald
Xuan Santori Vázquez, doctor en Filoloxía, ye una de les voces más personales de la lliteratura asturiana. Ye autor d’estudios destacaos sobre la lliteratura asturiana y el papel d'esta y los sos cultivadores nel desenvolvimientu, normativización y normalización de la llingua asturiana (Milenta voces. Visiones del Surdimientu, 2006; El Surdimientu y la lliteratura asturiana: normalización y estandarización, 2013). Foi gallardonáu colos premios de poesía «Teodoro Cuesta» de 1999 y «Elvira Castañón» de 2008, asina como col premiu de la crítica d'Asturies nos años 2005 y 2008.
El gallardón foi concedíu por unanimidá del xuráu, que nel so fallu destacó “el xuegu de ficción y realidá consiguíu al traviés de la unión d'imaxe, testimoniu y documentación y la dimensión internacional qu'adquier la obra”.
Premiu M.ª Josefa Canellada de Lliteratura Infantil y Xuvenil: Berta Piñán, pola obra Vida nel campu
Berta Piñán (Cañu, 1963) foi ganadora de la primer edición del Premiu «María Josefa Canellada» cola obra Arroz, agua y maíz (2009), y el públicu infantil y xuvenil foi'l destinatariu de títulos firmaos por ella como Lula, Lulina (1996), El branu de Mirtya (2005), Tres sieglos construyendo la igualdá (2005), Les coses que-y presten a Fran (2008), L’estranxeru (2009) y La mio hermana ye una mofeta (2011).
L'acta del fallu d'esti gallardón destaca que Vida nel campu ye “una obra noble qu'escuende denuncia pero que nun s'enllena con proclames innecesaries” y na que “el llector participa de los mesmos descubrimientos que los personaxes y dexa la valoración ética pal remate de la llectura”.
Premiu Alfonso Iglesias de Cómic: Alberto Vázquez García, pola obra Los llazos coloraos
Alberto Vázquez García ye un artista gráficu de trayectoria profesional dilatada. Trabayó como dibuxante pal diariu La Nueva España y el mediu dixital asturnews.com, y vien desempeñando un llabor importante como diseñador de murales, cómics y cartelería pa distintes ONX, como Soldepaz-Pachakuti, Médicos Mundi o Secretariado Gitano, ente más otres. Amás, ye autor de dellos trabayos documentales de corte memorialista, ente los que puede destacase 34-35, diez asturianos nel exiliu francés y Poca ropa, la llucha contra la dictadura franquista en Mieres.
Ente les obres presentaes, el xuráu decidió, por unanimidá, conceder el Premiu al cómic tituláu Los llazos coloraos, destacando «la gran ellaboración del guion y el gran trabayu d'investigación que construyen una semeya fiel de la posguerra n'Asturies».
Premiu Nel Amaro de Teatru Profesional: Carlos Alba, Cellero, por Llázaro de Tormes
Carlos Alba, conocíu como Cellero pol nome d'unu de los sos personaxes, tien una trayectoria amplia nel campu de los cuentacuentos y el monologuismu. Los sos espectáculos diríxense a un públicu diversu, anque predomina l'infantil y el xuvenil. Participó como guionista y actor en dellos programes de la TPA, onde pon en práctica'l monologuismu humorísticu asturianu, una disciplina a mediu camín ente la narración y el teatru popular onde'l so personaxe Cellero cunta hestories con humor.
Ente les obres presentaes, el xuráu decidió por mayoría conceder el premiu al espectáculu Llázaro de Tormes, al reconocer nél “la brillosa adaptación d'un clásicu a la cultura asturiana, con un gran percuru llingüísticu tanto nel testu como na representación del espectáculu, entroncando con un xéneru tradicional asturianu como ye'l monólogu, dignificándolo”.
CAST:
La Consejería de Educación y Cultura entrega mañana los premios literarios en lengua asturiana de este año
- La gala se celebrará a las 19:00 horas en el paraninfo de la Universidad de Oviedo
- Los galardones han sido para Berta Piñán (novela y literatura infantil y juvenil), Pablo X. Suárez (poesía), Xuan Santori (ensayo), Alberto Vázquez (cómic) y Carlos Alba (teatro profesional)
La Consejería de Educación y Cultura entregará mañana los seis premios literarios convocados este año con el objetivo de consolidar la lengua asturiana como vehículo de expresión literaria. El acto se celebrará a partir de las 19 horas en el paraninfo de la Universidad de Oviedo.
Los premios son: Xosefa Xovellanos de Novela (38.ª edición); Xuan M.ª Acebal, de poesía (23.ª edición); Máximo Fuertes Acevedo de Ensayo (23.ª edición); M.ª Josefa Canellada de Literatura Infantil y Juvenil (10.ª edición); Alfonso Iglesias de Cómic (9.ª edición), y Nel Amaro de Teatro Profesional, convocado este año por vez primera y al que podían presentarse obras de compañías profesionales estrenadas en asturiano o gallego-asturiano, tanto originales como versiones o adaptaciones de títulos en otras lenguas.
En el transcurso del acto se entregará a los galardonados una pieza artística en reconocimiento a la calidad de sus obras y su significación como aportaciones sobresalientes e innovadoras a la creación literaria en lengua asturiana. La gala contará además con la actuación musical de Alfredo González y Silvia Quesada.
Información sobre autores y obras
Premio Xosefa Xovellanos de Novela: Berta Piñán, por la obra Como la muda al sol d’una llagartesa
Berta Piñán (Cañu, 1963) destaca como una de las voces más sólidas del surdimientu literario asturiano. Profesora de Lengua y Literatura y académica de la lengua asturiana, empezó cultivando la poesía en este idioma con títulos como Al abellu les besties (1986), Vida privada (1991), Temporada de pesca (1998), Un mes (2002) y La mancadura (2010), publicada en edición bilingüe asturiano-castellano. Muestra de su narrativa corta son obras como La tierra entero (1995) y La maleta al agua (2005).
El jurado del premio decano de las letras asturianas decidió por mayoría conceder el galardón a su obra Como la muda al sol d’una llagartesa por “la complejidad narrativa de una historia bien trabada con numerosos personajes que mantienen el interés a lo largo de la lectura de la obra”. La novela, que parte de un hecho criminal, recorre distintos aspectos de la sociedad asturiana de hoy en día, en especial del mundo rural.
Premio Xuan María Acebal de Poesía: Pablo X. Suárez, por la obra Little Babilonia
Pablo X. Suárez (Orviz, Siero, 1981) es filólogo y especialista en lengua asturiana. Creador de la Timba Poétika y poeta oral, tiene publicados en asturiano los poemarios Asturiana Beat (2005) y El sistema débeme una chocolatina (2011), además del volumen de relatos Yoni y yo. Es autor también de las obras en castellano Pop retórika (2010) y Cómo evitar el apocalipsis (2016).
A la hora de otorgar el Premio Xuan María Acebal a Little Babilonia, el jurado destacó “el nivel lingüístico y estilístico y la brillantez de las imágenes de un texto que juega y mezcla la tradición más clásica con las referencias más pop”.
Premio Máximo Fuertes Acevedo de Ensayo: Xuan Santori, por la obra 42.553: depués de Buchenwald
Xuan Santori Vázquez, doctor en Filología, es una de las voces más personales de la literatura asturiana. Es autor de destacados estudios sobre la literatura asturiana y el papel de esta y sus cultivadores en el desarrollo, normativización y normalización de la lengua asturiana (Milenta voces. Visiones del Surdimientu, 2006; El Surdimientu y la lliteratura asturiana: normalización y estandarización, 2013). Ha sido galardonado con los premios de poesía Teodoro Cuesta de 1999 y Elvira Castañón de 2008, así como el premio de la crítica de Asturias en los años 2005 y 2008.
El galardón fue concedido por unanimidad del jurado, que en su fallo destacó “el juego de ficción y realidad conseguido a través de la amalgama de imagen, testimonio y documentación y la dimensión internacional que adquiere la obra”.
Premio M.ª Josefa Canellada de Literatura Infantil y Juvenil: Berta Piñán, por la obra Vida nel campu
Berta Piñán (Cañu, 1963) fue ganadora de la primera edición del Premio María Josefa Canellada con la obra Arroz, agua y maíz (2009). El público infantil y juvenil ha sido el destinatario de títulos suyos como Lula, Lulina (1996), El branu de Mirtya (2005), Tres sieglos construyendo la igualdá (2005), Les coses que-y presten a Fran (2008), L’estranxeru (2009) y La mio hermana ye una mofeta (2011).
El acta del fallo de este galardón destaca que Vida nel campu es “una obra noble que esconde denuncia, pero que no se llena con proclamas innecesarias” y en la que “el lector participa de los mismos descubrimientos que los personajes y deja la valoración ética para el remate de la lectura”.
Premio Alfonso Iglesias de Cómic: Alberto Vázquez García, por la obra Los llazos coloraos
Alberto Vázquez García es un artista gráfico de trayectoria profesional dilatada. Trabajó como dibujante para el diario La Nueva España y el medio digital asturnews.com y viene desempeñando una destacada labor como diseñador de murales, cómics y cartelería para distintas ONG, como Soldepaz-Pachakuti, Médicos Mundi o Secretariado Gitano, entre otras. Además, es autor de varios trabajos documentales de corte memorialista, entre los que cabe destacar 34-35, diez asturianos nel exiliu francés y Poca ropa, la llucha contra la dictadura franquista en Mieres.
Entre las obras presentadas, el jurado decidió, por unanimidad, conceder el Premio al cómic titulado Los llazos coloraos, destacando «la gran elaboración del guión y el exhaustivo trabajo de investigación que construyen un retrato fiel de la posguerra en Asturias».
Premio Nel Amaro de Teatro Profesional: Carlos Alba, Cellero, por Llázaro de Tormes
Carlos Alba, conocido como Cellero por el nombre de uno de sus personajes, tiene una amplia trayectoria en el campo de los cuentacuentos y el monologuismo. Sus espectáculos se dirigen a un público diverso, aunque predomina el infantil y juvenil. Participó como guionista y actor en varios programas de la TPA, donde pone en práctica el monologuismo humorístico asturiano, una disciplina a medio camino entre la narración y el teatro popular donde su personaje Cellero cuenta historias con humor.
Entre las obras presentadas, el jurado decidió por mayoría conceder el premio al espectáculo Llázaro de Tormes, al reconocer en él “la brillante adaptación de un clásico a la cultura asturiana, con un gran esmero lingüístico tanto en el texto como en la representación del espectáculo, entroncando con un género tradicional asturiano como es el monólogo y dignificándolo”.
