Fecha: vienres, 24 de noviembre
 Hora: 18:00
 Sitiu: Capiella de Los Dolores (Grau)

 «Jamín de Doriga», Benjamín Valsera Álvarez, nacéu en 1924 en pueblín de Lluercias (Pravia), ya de bien nenu ya vienu pa Dóriga, Asturias, Spain (Salas, Asturias, Spain), au se crióu ya pasóu toda vida.

La pasión de Jamín siempre foi la música, ya de rapacín ya se feixu con una curdión de botones. Sería a primeiros de los cuarenta cuando se feixu col primer trombón ya, d’eillí p’acá, foi músicu de viento ya curdioneiru.

La primera banda au tocóu foi la de «Los Amadeos» de Curniana, seis hermanos con orquesta de vientos ya batería au Jamín llegóu a tocar el trombón ya’l bombardinu.

Pol año 1947-1948, buscóu músicos de la contorna ya formóu «La Bahía», con músicos de La Ria Miranda ya outros pueblos del conceyu de Salas. Jamín siguíu col trombón ya la trompeta; por esos años ya se feixu con una curdión pianu.

Jamín tocóu tamién unos años na orquesta «La Estrada» con músicos d’esti conceyu de Grau, como Casimiro de La Fuexa.

Con 93 años, Jamín sigue tocando la curdión ya cola misma pasión pola música ya los instrumentos.

L’añu 2015, la serie de televisión CAMÍN de la Radiotelevisión del Principado de Asturias dedicó-y un programa, ya güei, «L'Archivu de La Tradición Oral d’Ambás» col conceyu Grau, ya dientru las xornadas ya exposición de cordiones de Felipe Rubial, faemos-y esti merecíu homenaxe como músico importante na redolada d’estos conceyos de Grau ya de Salas.


HOMENAXE A JAMÍN DE DORIGA «Músicu de vientu ya curdioneiru d’esta redolada»

Organiza:

Archivu de La Tradición Oral d’Ambás

Asociación Valentín Andrés

Museo Etnográficu de Grau (Ayuntamientu de Grau)