Lluchando Pola Soberanía, iniciativa de movilización de la izquierda soberanista asturiana, convida a participar na campaña“Plumeru La Pampa fuera d'Asturies, pola defensa'l territoriu y la soberanía ambiental”, na que apuntando pa la invasion del plumeru La Pampa queremos señalar non solo pal desastre ambiental que suponen esta y otres invasiones vexetales y animales, sinón tamién pa los problemes estructurales que carecemos nel nuestru país, como l'abandonu de lo rural -como llugar y como mediu de vida- y la especulación urbanística, que nun dan más que facilidaes a esti y a otros desastres ambientales.

La rempuesta del Gobiernu d'Asturies ente l'alarma que produz ver los plumeros en flor durante esti últimu mes ye la de siempre: planes vacíos de conteníu, estudios nunca resueltos y, sobremanera, falta de voluntá política pa resolver el problema y falta de valor pa reclamar al estáu la so culpa.

Pa too ello, amás del manifiestu que vos convidamos a firmar y esparder, tenemos preparaos dellos materiales de difusión (cartelería, trípticu guía y más) colos que vamos faer por llegar a tolos puntos posibles del país, con atención especial a les zones afectaes pol plumeru La Pampa.

D'esta manera, convocamos a una acción reivindicativa esti domingu 29 d'ochobre a les 11:30 nel Polígonu Industrial de Bobes na qu'amás d'esponer la problemática de la invasión vamos cuntar coles vecines de Bobes y Valbona afectaes pol polígonu. Pa finar con una acción de desaniciu de plumeru nel polígonu de Bobes.

De cara a l'acción, amás de guantes y ropa afayaízo, quien pueda ha de traer ferramienta pa compartir: fesoria, palote, pala, tisories cortasetos, esbrozadora, etc.)

Quedamos a les 11:30 ente'l Bar Tineo, nel cruce pa Pedreo nel altu de Valbona. Axuntamos llocalización: https://goo.gl/maps/EaXrjLySL812
Quien quiera acudir y nun tenga tresporte puede contactar pa buscar un sitiu.