Pol curtiometraxe "Veníi a xugar conmigo", del alumnáu de 1u d'ESO
El curtiometraxe "Veníi a xugar conmigo", del alumnáu de 1u d'ESO del IES Nu 5, fíxose col premiu del III Concursu de Trabayos pa Secundaria y Bachilleratu de les XIV Xuntes d'Escolines y Escolinos. La obra llevo'l premiu por unanimidá.
Al concursu presentáronse curtiometraxes, trabayos d'investigación, webs y power points realizaos pol alumnáu de Secundaria y Bachilleratu de cinco centros educativos d'Avilés. Resultó ganadora una pieza audiovisual, coordinada pol maestru de llingua asturiana del IES Nu5, que tien un argumentu centráu nel misteriu y el terror.
El xuráu, qu'aconceyó esti 5 de mayu cola sida del Día de les Lletres Asturianes, tuvo conformáu poles siguientes persones:
- Olga Cuervo Álvarez, actriz (presidenta)
- Montserrat Machicado Compañy, filóloga y responsable de la Estaya de la Llingua d'Avilés (vocal)
- Damián Barreiro Maceiras, periodista (vocal)
- Abel Arias Castaño, xefe de Serviciu del Área de Cultura del Conceyu d'Avilés (secretariu, con voz pero ensin votu)
El premiu va ser un regalu valoráu en 150 euros, que pue ser llibros o'l material escolar que'l centru considerare afayadizu pa tresmitir a les xeneraciones nueves el nuestru patrimoniu llingüísticu.
