L'importe global de deudes recoyíu nesti llistáu supera los 15.700 millones d'euros y la cifra total de deudores algama los 4.768. Al respective de la primer llista, la deuda aumentó un 0,7%, mientres que los deudores baxaron un 1,8%.

La llista inclúi a los deudores cola Facienda Pública con deudores o sanciones tributaries de más d'un millón d'euros, pendientes de pagu a 31 d'avientu del 2015, y que nun tán nin allanciaes nin suspendíes.

La primer llista de morosos publicóse'l pasáu 23 d'avientu y, naquel momentu, figuraben na mesma los deudores de más d'un millón d'euros a 31 de xunetu del 2015.

Según les fontes consultaes, 333 deudores qu'apaecíen nel primer llistáu yá nun figuren nel segundu por atayar total o parcialmente la so deuda o por llograr un aplazamientu o suspensión antes del 31 d'avientu del 2015. Pero mientres unos salen otros entren: el segundu llistáu recueye 246 nuevos deudores con Facienda.

Más de 1.500 deldores que figuraben nel primer llistáu pagaron deudes por importe de 312 millones d'euros ente'l 31 de xunetu de 2015 y el 1 de xunu del 2016.

Na llista de mayores debedores cola Alministración Tributaria identifícase dafechu a los contribuyentes, seyan persones físiques o xurídiques, col so nome, apellíos, NIF, razón o denominación social completa.

De los 4.768 deudores con Facienda recoyíos nel llistáu, 336 son persones físiques, con una deuda inferior a los 700 millones d'euros, y 4.432 son persones xurídiques, con pagos pendientes de más de 15.000 millones d'euros. Al respective de la llista anterior, baxóse la delda de les persones físiques, pero la de les xurídiques aumentó.