El presidente del Gobiernu en funciones, Mariano Rajoy, apostó por encabezar un gobiernu apoyáu por una gran coalición, col PP, el PSOE y Ciudadanos, con un programa de gobiernu pactáu pa los próximos cuatro años, pero nun se zarró a encabezar otra fórmula porque "hai falta de formar gobiernu".
En rueda de prensa tres el Comité Executivu Nacional del PP, Rajoy refugó otra posibilidá que nun pase per qu'él encabece'l próximu gobiernu, puesto que meyoró'l so resultáu del 20 d'avientu, cuenta con casi ocho millones de votos y porque nun cabe que quien perdió les elecciones imponga les sos decisiones.
"Toi abiertu a toles fórmules. Nun vamos abdicar de la nuesa responsabilidá de gobernar. Prestábame gobernar con apoyu bastante y si nun ye posible, vamos gobernar colos apoyos que nos dieron y con pactos puntuales", aseguró.
