El númberu de millonarios n'España aumentó un 40,2% mientres la última llexislatura, al pasar de los 137.300 nel 2011 a los 192.500 al zarru del 2015, según l'Informe Mundial de la Riqueza 2016 ellaboráu pola consultora Capgemini.
L'estudiu considera millonariu al individuu con un patrimoniu superior al millón de dólares (885.903 euros) n'activos invertibles, quitando la residencia principal, pieces de coleccionista, bienes de consumu perecederos y bienes de consumu duraderos.
El trabayu reflexa que si se comparen les cifres coles del 2008, al entamu de la crisis, estes grandes fortunes aumentó un 50%. Sicasí, lo mayor de la subida prodúxose nos últimos cuatro años, magar qu'España taba taba en recesión nos dos primeros.
Namás nel últimu añu, los grandes patrimonios aumentaron un 8,4%, lo que supón la mayor subida rexistrada n'Europa, per delantre de Países Baxos (7,9%), Francia (5,9%) y Alemaña (5,6%).
Pela so parte, el númberu de millonarios aumentó un 12,5% nel 2009, pero dende entós y hasta'l 2011 nun dexó de cayer, anque llixeramente, hasta los 137.300, un 3,9% acumuláu nestos años.
