Un grupu d'aficionaos ultres de Rusia agredió esti xueves a trés turistes españoles na ciudá alemana de Colonia, onde se detuvieron nel so camín de vuelta a Moscú en viendo a la so selección na Eurocopa de Francia, informó'l diariu alemán 'Bild'.
De los trés turistes españoles, dos permanecen firíos graves y tán hospitalizaos, mientres que'l terceru sufrió una rotura de nariz, esplica'l rotativu xermanu, qu'asitia l'ataque de los siguidores rusos frente a la Catedral de Colonia.
La policía de Colonia confirmó la detención de seis ultres rusos, vinculaos a un grupu d'estrema derecha. Nos sos bolsos la policía alcontró entraes pal partíu ente Rusia ya Inglaterra de la Eurocopa de Naciones que se ta disputando en Francia.
El voceru de la policía de Colonia confirmó que trés d'ellos van pasar la nueche en prisión tres estos acontecimientos, según recueye na so edición dixital el diariu alemán 'Der Spiegel', qu'asitia les agresiones a les 19.07 hores d'esti xueves.
