"Cuando tengo dudes de temes importantes procuro manda-y un mensaxe y preguntar (...) y siempre m'atendió y agradézo-ylo muncho", aseguró en declaraciones a la Cadena Ser recoyíes por Europa Press.

Iglesias definió a Zapatero como "un tipu bien solvente y humilde" y dixo qu'aprendió "muncho" del socialista. Coles mesmes, aseguró que conxeniaron dende'l primer día que se conocieron.

CRÍTICA A LA SOCIALDEMOCRACIA

El líder de la formación morada repitió les sos crítiques a la "vieya socialdemocracia", convencíu de que "acabaron de matala" el británicu Tony Blair, cola so 'Tercer Vía' y l'alemán Gerhard Schroeder.

Nel casu d'España , recalcó qu'esa vía namás la cuestiona Josep Borrell y cargáronselu", n'alusión a la corta y accidentada candidatura de Borrell, güei asesor de Pedro Sánchez, a la presidencia del Gobiernu, ente mayu de 1998 y el mesmu mes de 1999.

Iglesias cree que Borrell taría más na llinia del francés Lionel Jospin y qu'eso "fuera bono pa España". Ye más, cree que de ganar esi PSOE "a lo meyor" nesti momentu "nun existiría Podemos"

Per otru llau, criticó qu'haya "sectores" que trataren de "ubicar" al so 'númberu dos', Íñigo Errejón, como daquién "más cercanu al PSOE qu'a Podemos: "Yá-y prestaría al PSOE tener a Errejón, pero tenémoslu nosotros", afirmó, incidiendo en qu'esa asociación fai-y "dañu" a Podemos.

Y tamién almitió esti xueves que tuvo un "desalcuentru políticu severu" con Errejón, de magar la so decisión de destituyir al que fuera'l secretariu d'Organización de Podemos, Sergio Pascual.

"Les desavenencies resolviéronse correcta y democráticamente", manifestó, restando asina importancia a les discrepancies que se dieron ente ellos entós. Amás, cree que dambos dirixentes salieron "reforzaos" de magar esi momentu.

"POR SUPUESTO, XIBRALTAR ESPAÑOL"

Per otru llau, nuna conversación por 'Whatsapp' con Telecinco, Iglesias afirmó que "por supuesto Xibraltar español", no que se refier a la visita que güei va facer al Peñón el primer ministru británicu, David Cameron, pa facer campaña contra'l 'Brexit'.

Coles mesmes, sorrayó que si'l resultáu del 'Brexit' ye salir de la Unión Europea, "los demócrates" van tener que "aceptar la democracia y les sos resultaos".