El presidente de Ciudadanos, Albert Rivera, aseguró esti xueves que'l so partíu nun va apoyar colos sos votos la investidura de Mariano Rajoy como presidente del Gobierno pero tampoco va astenese pa permitila. "Nun queremos que Rajoy siga gobernando", declaró.
Nun almuerzu informativu entamáu en Barcelona por El Periódicu', Rivera dixo: "Nun vamos apoyar a Rajoy" porque si non, "nun habrá un gobiernu coles manos llibres y llimpies".
Ante la insistencia de les preguntes pa qu'esclarara si C's tampoco va ofrecer la so astención, a lo último refugó tamién esa opción porque, según dixo, nun desea que'l presidente del Gobiernu en funciones siga nel cargu.
Según señaló, Rajoy y él tienen visiones bien distintes: el candidatu del PP a La Moncloa "quier que nada cambie" n'España, mientres que'l partíu naranxa aspira a "que cambie too sin romper nada".
