Microsft anunció esti llunes l'alquisición de la rede social profesional LinkedIn, nun acuerdu pol que la compañía de Redmond va pagar 26.200 millones de dólares.
LinkedIn va caltener la so imaxe de marca, la so cultura ya independencia, como esplicó Microsoft nun comunicáu. El so actual CEO, Jeff Weiner, va caltener el so puestu, agora so les ordes del CEO de Microsoft, Satya Nadella.
La transacción aprobóse por unanimidá polos directivos de dambes compañíes y espérase que l'acuerdu quede zarráu a últimos d'esti añu.
